Batys Qazaqstannyń birneshe eldi mekeninde aýa sapasy tómendeıdi

ASTANA. KAZINFORM — Sınoptıkter elimizdegi aýa sapasyna qatysty boljamyn jarııalady.  

— 2025 jylǵy 5 jeltoqsanda Oral, Aqtóbe, Almaty, Atyraý, Jezqazǵan, Balqash qalalarynda qolaısyz meteorologııalyq jaǵdaılar boljanǵan, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Eske salaıyq, Almaty ákimdigi aýa sapasy týraly jeke datchıkter málimetine senbeýdi eskertti.