Batystaǵy 3 óńirge qosymsha gaz jóneltildi – Energetıka mınıstrligi

ASTANA. KAZINFORM – Aqtóbe, Mańǵystaý jáne BQO-ǵa suıytylǵan gazdyń qosymsha kólemde suıytylǵan gaz jiberildi. Bul týraly Energetıka mınıstrliginiń baspasóz qyzmeti habarlaıdy.

«24 qazanda Aqtóbe oblysyna Shymkent munaı óńdeý zaýyty resýrsynan 900 tonna qosymsha suıytylǵan gaz bólindi. Batys Qazaqstan oblysyna «Teńizshevroıl» resýrstarynan 180 tonna qosymsha suıytylǵan gaz jetkizildi. Al Mańǵystaý oblysyndaǵy «Qazaq gaz óńdeý» zaýytynda suıytylǵan gazdyń táýliktik júkteý kólemi 100-150 tonnaǵa ulǵaıtyldy», - delingen habarlamada. 

Aıta ketsek, Aqtóbede suıytylǵan gaz tapshylyǵy týraly buǵan deıin de habarlaǵan edik. https://kaz.inform.kz/news/aktobede-suyitilgan-gaz-al-de-tapshi-b1cd58/ 
Eske salsaq, Aqtóbede suıytylǵan gaz tapshylyǵy jazda bastaldy. Qaladaǵy gaz quıý beketterinde uzynsonar kezek túzilgen. Gazdyń lıtri 59 tg satylyp jatqanymen, júrgizýshiler saǵattap kútýge májbúr boldy.
Sonymen qatar Batys Qazaqstan oblysynda suıytylǵan gaz tapshylyǵy týyndady. 
Odan bólek, búgin ǵana Aqtaýda suıytylǵan gazǵa uzyn-sonar kezek baıqalǵan. Kólik júrgizýshiler bul problemanyń bir apta buryn bastalǵanyn aıtýda.