Batysta naızaǵaı oınap, jańbyr jaýady: 10 maýsymǵa arnalǵan aýa raıy boljamy

ASTANA. KAZINFORM — Antıtsıklon sileminiń áserinen Qazaqstan aýmaǵynyń basym bóliginde jaýyn-shashynsyz aýa raıy kútiledi, dep habarlaıdy «Qazgıdromet» RMK baspasóz qyzmeti.

— Tek eldiń batysynda atmosferalyq frontaldy bólimderdiń ótýimen naızaǵaı oınap, jańbyr jaýady. Respýblıka boıynsha jel kúsheıedi, túnde jáne tańerteń eldiń soltústiginde, shyǵysynda tuman bolady dep kútiledi, — delingen habarlamada.

Sınoptıkter kúndiz Túrkistan oblysynda 40 gradýs, Mańǵystaý oblysynda 38 gradýs, Almaty oblysynda, Jetisý oblysynda 35-38 gradýs, Jambyl oblysynda 39 gradýs qatty ystyq bolady dep boljam jasady.

Sonymen qosa Batys Qazaqstan, soltústiginde, ońtústiginde, Atyraý oblysynyń batysynda, batysynda, shyǵysynda, Qyzylordanyń soltústik jartysynda, batysynda, Jambyl oblysynyń ortalyǵynda, Ulytaý oblysynyń ortalyǵynda, batysynda, soltústiginde, Jetisý oblystyń ortalyǵynda, Shyǵys Qazaqstan oblysynyń ońtústik-batysynda órt qaýpi joǵary.

Budan bólek Túrkistan, Mańǵystaý oblystarynda, batysynda, soltústiginde, Almaty oblysynyń shyǵysynda, Qyzylorda oblysynyń ońtústik jartysynda, soltústiginde, batysynda, Jambyl oblysynyń shyǵysynda, Atyraý oblysynyń shyǵysynda, Aqtóbe oblysynyń ońtústiginde, Qostanaı, Qaraǵandy, Ulytaý oblystarynda, Abaı oblysynyń ońtústiginde tótenshe órt qaýpi bar.

Osyǵan deıin elimizdiń birneshe oblysynda tótenshe aýa raıy qubylystary boljanyp otyrǵany aıtyldy.