Batysta kún jylyp, shyǵys pen soltústikte aıaz bolady

ASTANA. KAZINFORM – 6–8 qańtar aralyǵynda Qazaqstan aýmaǵyna soltústik-batys baǵyttan tsıklon yǵysa otyryp, jaýyn-shashynnyń kezekti tolqynyn alyp keledi.

Respýblıkasynyń batysynda jaýyn-shashyn jańbyr jáne qar túrinde boljanady, kóktaıǵaq bolýy múmkin. Eldiń soltústiginde, shyǵysynda jáne ortalyǵynda qar jaýyp, burqasyn soǵady. Qazaqstannyń ońtústigi men ońtústik-shyǵysynda antıtsıklon yqpalymen jaýyn-shashynsyz aýa raıy bolady.

Respýblıka boıynsha tuman túsip, jel kúsheıedi. 

Aýa temperatýrasynyń joǵarylaýy batys óńirlerde baıqalady: túnde 5–16° aıazdan 0–8° aıazǵa deıin, kúndiz 10° aıaz – 3° jylydan 3° aıaz – 8° jylyǵa deıin kóteriledi.
Soltústikte, shyǵysta jáne ortalyqta aýa temperatýrasy tómendeıdi: túnde 3–16° aıazdan 10–25° aıazǵa deıin, kúndiz 1–11° aıazdan 5–15° aıazǵa deıin.

Ońtústikte jáne ońtústik-shyǵysta aýa temperatýrasy aıtarlyqtaı ózgermeıdi: túnde 1–16° aıaz, kúndiz 0–10° jyly, taýly aımaqtarda túnde 0–10° aıaz saqtalady. 

Aıta ketelik búgin respýblıka joldaryndaǵy ahýal jaıly jazǵan edik.