Batysta qatty jaýyn-shashyn: aldaǵy kúnderge boljam jasaldy

ASTANA. KAZINFORM — «Qazgıdromet» RMQ sınoptıkteri aldaǵy kúnderge arnalǵan aýa raıy boljamyn jarııalady. 

Boljamǵa saı el aýmaǵynyń basym bóliginde aýa raıy jaǵdaıyna antıtsıklon yqpal etedi. Az bultty jáne jaýyn-shashynsyz aýa raıy jaǵdaıynda jer betine jaqyn qabattaǵy aýanyń qarqyndy salqyndaýy jalǵasady, sonyń saldarynan túngi ýaqytta teris temperatýra saqtalady.

— Batysta, soltústik-batysta jáne respýblıkanyń ońtústik-shyǵys shetinde tsıklonnyń aldyńǵy bóligi áser etedi. Bul óńirlerde kóbine bultty aýa raıy kútiledi, keı jerlerde jaýyn-shashyn (negizinen jańbyr túrinde) bolady, al batysta qatty jaýyn-shashyn túsýi múmkin. Respýblıka aýmaǵynda jeldiń kúsheıýi boljanady, al túngi jáne tańǵy ýaqytta soltústikte jáne shyǵysta keı jerlerde tuman túsedi, — delingen habarlamada.

Aýa temperatýrasynyń aıtarlyqtaı ózgerisi kútilmeıdi.