Batysqazaqstandyq parataekvondoshy úsh dúrkin álem chempıony atandy

ORAL. KAZINFORM — Qazaqstandyq parataekvondoshy Málik Muqashev Ońtústik Koreıanyń Mýdjý qalasynda XI álem chempıonatynda top jardy.

a
Foto: BQO dene shynyqtyrý jáne sport basqarmasy

Sportshynyń bapkeri Erbol Merǵalıevtiń málim etkenindeı, parataekvondodan atalmysh dodaǵa álemniń 50-den astam elinen 250 sportshy qatysyp, baq synady.

M.Muqashev K-41 sanaty boıynsha 80 keli salmaq dárejesinde óner kórsetti.

Málik jartylaı fınalda túrik, sońǵy básekede ırak sportshysyn utty. 

Osylaısha, Málik Muqashev úsh dúrkin álem chempıony atandy. Ol buǵan deıin 2021 jyly Ystanbulda (Túrkııa) jáne 2023 jyly Meksıkanyń Verakrýs qalasynda ótken álem birinshiliginde top jarǵan edi.

Eske sala keteıik, budan buryn qazaqstandyq parataekvondoshynyń álem chempıony atanǵanyn jazǵan edik.