BQO turǵyndary 25 jyldan keıin amerıkalyqtar asyrap alǵan qyzymen kezdesti

ORAL. KAZINFORM — Oral qalasyndaǵy áýejaıda AQSh-ta ósken qazaq qyzynyń óziniń ata-anasymen kezdesip jatqany týraly áleýmettik jelide beınejazba tarady.

Facebook áleýmettik jelisiniń qoldanýshysy Leıla Onlash jazǵandaı, qyz 2000 jyly Qazaqstanda dúnıege kelgen. Alaıda dárigerler onyń ata-anasyna shaqalaq óli týdy dep habarlaǵan. Biraq bul jalǵan edi. Dárigerler qyzdy amerıkalyqtarǵa satyp jibergen.

- Ol jaqsy otbasynda ósti. Oǵan barlyq shyndyqty aıtty. Sodan keıin óziniń ata-anasyn tabýǵa kómektesti. Máseleniń ekinshi jaǵy bar. Oralda úsh dárigerge qatysty qylmystyq is qozǵalǵan. Mundaı qylmysty bir adam jasaı almaıtynyn túsinemiz. Munyń artynda tutas júıe tur, - dep jazady.

BQO polıtsııa departamentiniń baspasóz qyzmeti atalǵan derek boıynsha sotqa deıingi tergeý júrgizilip jatqanyn jetkizdi.

- Tergeý barysy polıtsııa departamenti basshylyǵynyń baqylaýynda. Qazirgi kezde qajetti tergeý amaldary júrgizilip jatyr. Tergeý qorytyndysyna sáıkes qoldanystaǵy zańnama aıasynda túpkilikti protsessýaldyq sheshim qabyldanady, - dep habarlady vedomstvodan.

Eske sala keteıik, budan buryn BQO-da polıtsııa qyzmetkerlerine 30 jańa kóliktiń kilti tabys etilgenin jazǵan edik.