Batys pen soltústikte jańbyr aralas burshaq jaýyp, daýyl soǵady

ASTANA. KAZINFORM — «Qazgıdromet» RMK 2025 jylǵy 25 shildege arnalǵan aýa raıy boljamyn jarııalady. 

— Soltústik-batys tsıklon men atmosferalyq fronttar áserinen elimizdiń kóp bóliginde naızaǵaıly jańbyr jaýady. Batys pen soltústikte — qatty jańbyr, keı jerde daýyl soǵyp, burshaq jaýýy múmkin. Ońtústik, shyǵys jáne ońtústik-shyǵys óńirlerde — antıtsıklon áserinen jaýyn-shashynsyz aýa raıy saqtalady. Jel kúsheıedi, al ońtústik-batys pen ońtústikte — shańdy daýyldar bolýy yqtımal. Soltústik óńirlerde túnde jáne tańerteń tuman kútiledi, — delingen habarlamada.

Birqatar oblysta aptap ystyq kútiledi:

• Jetisý oblysy — kúndiz 35–38°C, ońtústiginde 40°C.

• Almaty oblysy — 35–37°C, batysy men soltústiginde 42°C deıin.

• Jambyl oblysy — 38–40°C.

• Túrkistan jáne Qyzylorda oblystary — 40–42°C.

• Ulytaý jáne Qaraǵandy oblystarynyń ortalyǵy — 35–36°C.

• Abaı jáne Shyǵys Qazaqstan oblystarynyń ońtústiginde — 35°C.

Sınoptıkter tómendegi óńirlerde joǵary órt qaýpi týraly eskertti:

• Shyǵys Qazaqstan, Abaı, Qostanaı (batysy, shyǵysy, soltústigi),

• Qaraǵandy men Soltústik Qazaqstan (ortalyǵy),
• Aqmola (ońtústigi men shyǵysy),
• Pavlodar (batysy, ońtústigi, shyǵysy).

Sonymen qatar tótenshe órt qaýpi bar aımaqtar anyqtaldy:

• Mańǵystaý, Qyzylorda, Túrkistan, Almaty, Jambyl,

• Jetisý, Ulytaý (ortalyǵy men ońtústigi),

• Atyraý (shyǵysy, batysy, ońtústigi),

• Qaraǵandy (shyǵysy men ortalyǵy),

• Aqtóbe (ońtústigi),

• Batys Qazaqstan (shyǵysy),

• Qostanaı (ońtústigi men soltústik-batysy),

• Abaı oblysynyń ortalyǵy.

Osydan buryn sınoptıkter 24-26 shilde aralyǵyndaǵy aýa raıy boljamyn jarııalady.