«Batys» óńirlik qolbasshysynyń orynbasary qyzmetine Mıras Turdalın taǵaıyndaldy

ORAL. KAZINFORM — QR Іshki ister mınıstriniń buıryǵymen polkovnık Mıras Qudaıbergenuly Turdalın Qazaqstan Respýblıkasy Ulttyq ulany «Batys» óńirlik qolbasshysynyń orynbasary bolyp taǵaıyndaldy.

«Batys» óńirlik qolbasshylyǵynyń baspasóz qyzmeti málimetinshe, jańa orynbasardy jeke qurammen QR Ulttyq ulany bas qolbasshysynyń orynbasary, general-maıor Baýyrjan Ábjanov tanystyrdy. 

Baýyrjan Sadyquly jańadan taǵaıyndalǵan qolbasshy orynbasarynyń áskerı qyzmetinde tabysqa jetýine, jaýyngerlik jáne komandalyq daıyndyqty jetildire túsýine tilektestigin bildirdi. 

Mıras Turdalın atalmysh laýazymǵa taǵaıyndalǵanǵa deıin Ulttyq ulannyń Aqtóbe qalasyndaǵy 6655 áskerı bóliminiń komandıri qyzmetin atqardy.

Aıta keteıik, buǵan deıin «Batys» óńirlik qolbasshysynyń orynbasary bolǵan polkovnık Pavel Aleksandrovıch Sıtnıkov «Ońtústik» óńirlik qolbasshylyǵyna dál osyndaı qyzmetke aýysty.