Batys Qazaqstanǵa ushqyshsyz ushatyn apparat qulady

ORAL. KAZINFORM – Batys Qazaqstan oblysynda ushqyshsyz ushatyn apparatqa uqsas zattyń tabylýyna baılanysty tekserý jumystary júrgizilip jatyr. 

BQO polıtsııa departamentiniń baspasóz qyzmetinen málim etkenindeı, zat Tasqala aýdanynda eldi mekennen qashyq aýmaqta qulaǵan. 

— Zat tutas kúıinde tabylǵan, aqaýy baıqalmaıdy. Qazirgi kezde oqıǵanyń mán-jaıy anyqtalý ústinde, — dep habarlady vedomstvodan. 

Turǵyndardyń sózine qaraǵanda, atalmysh zat Qazaqstan aýyldyq okrýgi Atameken aýylynan 18 shaqyrym jerde 18 naýryz kúni tabylǵan. Onyń uzyndyǵy 3 metr shamasynda. 

Budan dál bir aı buryn osyndaı zat Bókeı ordasy aýdany aýmaǵyna qulaǵan edi.

Eske sala keteıik, budan buryn BQO aýmaǵyna ushqyshsyz ushatyn apparatqa uqsas zat qulaǵanyn jazǵan edik.