Batys Qazaqstanda júk kóligi janyp ketti

ORAL. KAZINFORM - Batys Qazaqstan oblysynda qyrǵyzstandyq azamat aıdap kele jatqan júk kóligi órtendi. 

BQO TJ departamentiniń baspasóz qyzmetinen málim etkenindeı, oqıǵa 18 sáýir kúni Syrym aýdany aýmaǵynda boldy.

Samara-Shymkent kúre jolynyń 352-shaqyrymynda júk kóliginiń tirkemesi men kabınasy otqa oranǵan.

— Sharýashylyq taýarlary men turmystyq tehnıka tıelgen júk kóligi Almatydan Ýfa qalasyna bara jatqan. Zardap shekkender joq. Qazirgi kezde oqıǵanyń mán-jaıy, keltirilgen shyǵyn anyqtalyp jatyr, — dep habarlady vedomstvodan.

Eske sala keteıik, budan buryn Oral qalasynda emhanada órt shyqqanyn jazǵan bolatynbyz.