Batys Qazaqstanda JRVI juqtyrǵandar sany 87 myńnan asty
ORAL. KAZINFORM — Batys Qazaqstan oblysynda ótken jylǵy 1 qazannan beri 87 103 adam jedel respıratorlyq vırýstyq ınfektsııamen (JRVI) esepke alyndy.
BQO sanıtarııalyq-epıdemıologııalyq baqylaý departamentiniń baspasóz mamany Kenjegúl Muhıtovanyń málim etkenindeı, sonyń 64 040-y – 14 jasqa deıingi balalar. 960-y 1 jasqa tolmasa, 173 júkti áıel de JRVI-men syrqattanǵan.
Onyń sózine qaraǵanda, osy kezeńde tumaýmen 206 adamnyń aýyrǵany tirkelse, sonyń ishinde 204-inen A tıpiniń H3N2 vırýsy (gonkong tumaýy), ekeýinen H1N1 túri (shoshqa tumaýy) anyqtalǵan. Aýrýshańdylyq aldyńǵy epıdemıologııalyq maýsymmen salystyrǵanda, 2,6 esege ósip otyr. Bulardyń da kópshiligi, ıaǵnı 146-sy – 14 jasqa deıingi balalar. Sondaı-aq 17 júkti áıel esepke ilikken.
Mamannyń aıtýynsha, tumaýǵa qarsy vaktsınatsııa árbir adam úshin, ásirese, balalar men júkti áıelder úshin mańyzdy. Oǵan qosa jeke gıgıenany saqtaǵan abzal, ıaǵnı qoldy jıi jýyp, qoldy betke tıgizbeý, jótelgende nemese túshkirgende, aýyzdy súlgimen jabý kerek.
- Qoǵamdyq oryndarda betperde taǵý vırýstyń taralýyn azaıtýǵa járdemdesedi. Immýnıtetti kúsheıtý úshin dárýmenderge baı tamaq ishý qajet. JRVI nemese tumaý belgileri paıda bolsa, dárigerge qaralyp, eshqaıda shyqpaǵan durys. Úı ishin jeldetip, tazalyq saqtaǵan jón. Oblystyq sanıtarııalyq-epıdemıologııalyq baqylaý departamenti turǵyndardy saq bolýǵa, balalar men júkti áıelderdi qorǵaýǵa shaqyrady. Aldyn alý sharalaryn oryndaý arqyly vırýstyń taralýyn tómendetýge bolady, - dedi K.Muhıtova.
Eske sala keteıik, budan buryn Batys Qazaqstan oblysynda shoshqa tumaýy da tirkelgenin jazǵan edik.