Batys Qazaqstanda JRVI-ge shaldyqqandar sany 86 myńnan asty

Batys Qazaqstan oblysynda JRVI-ge shaldyqqandar sany 86 myńnan asty, dep habarlaıdy Kazinform. 

BQO sanıtarııalyq-epıdemıologııalyq baqylaý departamentiniń basshysy Muhamǵalı Aryspaevtyń aıtýynsha, 1 qazannan beri 86 461 adamnan jiti respıratorlyq vırýstyq ınfektsııa (JRVI) anyqtaldy. Bul ótken jylmen salystyrǵanda, 44,5 paıyz kóp.

Onyń sózine qaraǵanda, sonyń ishinde 65,5 paıyzy balalar arasynda tirkelgen. Atap aıtqanda, 1 jasqa deıingi 1 452, 14 jasqa deıingi 56 654 bala syrqattandy. Sol sekildi 500 júkti áıel JRVI-ge shaldyqqan.

Oblystyń 192 mektebinde 4 601 oqýshy aýyrdy.

«Bıylǵy maýsymda tumaýdyń A túri (H3N2) jáne tumaý emes vırýstardyń taralǵany anyqtaldy. Tumaýdyń A túrimen 61 adam aýyrsa, sonyń 17-si – 14 jasqa deıingiler, 16-sy – júkti áıelder. 41 adam aýrýhanaǵa jatqyzylsa, qalǵany ambýlatorııalyq em aldy. Oǵan qosa tumaý tárizdi emes vırýstardan adenovırýs, rınovırýs, paragrıpp anyqtaldy», - dedi M.Aryspaev.

Eske sala keteıik, budan buryn BQO-da 20 myń balaǵa qyzylshaǵa qarsy qosymsha ekpe salynǵanyn jazǵan edik.