Batys Qazaqstanda jol ınfraqurylymyna 81,7 mlrd teńge salyndy
ASTANA. KAZINFORM — Bul avtojoldardy jańǵyrtýǵa salynǵan ınvestıtsııalardyń jalpy kólemi 81,7 mlrd teńge.
Memleket basshysynyń Qazaqstan halqyna Joldaýynda oblysaralyq jáne aýdanaralyq avtojoldardy keń aýqymda jóndeý jóninde qoıǵan mindetteri sheńberinde Batys Qazaqstan oblysynda Qaztalov, Jánibek jáne Bókeı ordasy aýdandaryn oblys ortalyǵymen baılanystyratyn, jalpy uzyndyǵy 245 shaqyrym jolǵa júrgizilgen rekonstrýktsııa jáne kúrdeli jóndeý jumystary 100% aıaqtaldy.
Atap aıtqanda, jumys uzyndyǵy 142 shaqyrym «Qaztalov — Jánibek — RF shekarasy» avtojolynda, sondaı-aq uzyndyǵy 103 shaqyrymdyq «Ónege — Bısen — Saıqyn» avtojolynda júrgizildi. Bul avtojoldardy jańǵyrtýǵa salynǵan ınvestıtsııalardyń jalpy kólemi 81,7 mlrd teńge.
Jańartylǵan joldar aýdandardyń oblys ortalyǵymen turaqty baılanysyn jáne Reseımen memlekettik shekaraǵa shyǵýdy qamtamasyz etedi. Osy baǵyttar boıyndaǵy eldi mekenderde turatyn 54 myń adam úshin Oral qalasyna jáne basqa baǵyttarǵa kúndelikti qatynaý jeńildedi. Taýarlar men júk tasymaly artyp, arnaıy kólik qozǵalysy jıileı túsedi. Barlyq ýchaskelerde alǵash ret asfalt tóseldi, bul qozǵalys jaǵdaılaryn jaqsartyp, shalǵaıdaǵy eldi mekendermen kólik qatynasynyń jaqsartpaq.
Oblys ortalyǵyna baratyn ýaqyt eki eseden astamǵa — 12-14 saǵattan 5-6 saǵatqa deıin qysqardy.
Kólik mınıstrliginiń málimetinshe, sońǵy alty jylda Qazaqstanda 31 myń shaqyrym avtomobıl joly, onyń ishinde 12,5 myń shaqyrym respýblıkalyq jáne 18,5 myń shaqyrym jergilikti jeli rekonstrýktsııalanyp, jóndeldi. Nátıjesinde respýblıkalyq jeliniń normatıvtik jaı-kúıi 89%-dan 93%-ǵa, jergilikti jeli 71%-dan 91%-ǵa deıin jetkizildi.
Aıta ketelik aqyly jolda aqshany qalaı únemdeýge bolatyny týraly jazǵan edik.
