Batys Qazaqstanda jol apatynan júrgizýshi mert boldy
ORAL. KAZINFORM – Batys Qazaqstan oblysynda «Lada Largýs» jeńil kóligi «KamAZ» avtomobılimen soqtyǵysty.
BQO Polıtsııa departamentiniń baspasóz qyzmetinen málim etkenindeı, oqıǵa 21 qyrkúıek kúni shamamen saǵat 17.00-de Oral-Kırsanov avtojolynyń 5-shaqyrymynda Báıterek aýdany Baıqonys aýyly mańynda boldy.
Aldyn ala málimet boıynsha júrgizýshi «Lada Largýs» avtokóligimen qarsy betke shyǵyp ketip, «KamAZ» avtomobılimen túıisken.
- Jol apaty saldarynan jeńil kóliktiń júrgizýshisi oqıǵa ornynda qaza tapty. Atalǵan derek boıynsha sotqa deıingi tergeý amaldary bastaldy. Qazir oqıǵanyń barlyq mán-jaıy anyqtalyp jatyr, - dep habarlady vedomstvodan.
Eske sala keteıik, budan buryn Oralda tok soqqan 10 jastaǵy balanyń kóz jumǵanyn jazǵan edik.
