Batys Qazaqstanda jol apatynan úsh adam kóz jumdy

ORAL. KAZINFORM – Batys Qazaqstan oblysynda jol-kólik oqıǵasynan úsh adam mert boldy. 

BQO polıtsııa departamentiniń baspasóz qyzmetinen málim etkenindeı, oqıǵa 25 mamyr kúni Samara-Shymkent jolynyń 507-shaqyrymynda boldy.

Shamamen saǵat 16.50-de Shyńǵyrlaý aýdany Almaz aýyly tusynda Toyota Camry 60 avtokóliginiń júrgizýshisi qarsy betke shyǵyp ketip, Toyota Camry 40 kóligimen soqtyǵysqan.

— Jol apaty saldarynan Toyota Camry 60 avtokóliginde otyrǵan er adam jáne ekinshi kóliktegi eki áıel oqıǵa ornynda qaza tapty. Toyota Camry 40 avtokóliginiń júrgizýshisi men eki jolaýshysy aýrýhanaǵa jatqyzyldy. Qazirgi kezde QK 345-baby 4-bóligine sáıkes sotqa deıingi tergeý amaldary júrgizilip jatyr, — dep habarlady vedomstvodan.

Eske sala keteıik, budan buryn BQO-da jol erejesin buzǵan 3 300-ge jýyq júrgizýshiniń jaýapqa tartylǵanyn jazǵan bolatynbyz.