Batys Qazaqstanda jol apatynan úsh adam kóz jumdy
Batys Qazaqstan oblysynda jol apatynan úsh adam kóz jumdy, dep habarlaıdy Kazinform.
BQO polıtsııa departamentiniń baspasóz qyzmetinen málim etkenindeı, oqıǵa 7 qańtar kúni Báıterek aýdany ıAnaıkın aýyly tusynda boldy.
«Oral-Atyraý jolynyń 62-shaqyrymynda saǵat 13.30-da «Shevrole Neksıa» avtokóliginiń júrgizýshisi rýlge ıe bola almaı, qarsy betke shyǵyp ketken. Saldarynan «Toıota Ipsým» avtokóligimen betpe-bet soqtyǵysýǵa jol bergen. Jol apaty saldarynan qos avtokóliktiń júrgizýshisi men «Shevrole Neksıada» otyrǵan jolaýshy oqıǵa ornynda qaza tapty. Múrdeler sot-medıtsınalyq saraptamaǵa jiberildi. Oǵan qosa zardap shekkender oblystyq kópbeıindi aýrýhanaǵa jetkizildi. Atalǵan derek boıynsha QR QK 345-baby 4-bóligine sáıkes sotqa deıingi tergeý amaldary bastaldy», dep habarlady vedomstvodan.
Eske sala keteıik, budan buryn Oralda úsh avtokólik soqtyǵysyp, jolaýshy qaza tapqanyn jazǵan bolatynbyz.
Oblystyq densaýlyq saqtaý basqarmasynyń málimeti boıynsha bul jol-kólik oqıǵasynan barlyǵy 6 adam zardap shekti. Olardyń bireýi qaıtys bolsa, beseýi aýrýhanaǵa jetkizildi. Sonyń ishinde ekeýi ambýlatorlyq em alýǵa jiberildi. Al 1975 jylǵy áıeldiń jaǵdaıy aýyr.
