Batys Qazaqstanda jol apatynan eki polıtsııa qyzmetkeri kóz jumdy
ORAL. KAZINFORM - Batys Qazaqstan oblysy Tasqala aýdanynda qyzmettik mindetin atqarý kezinde qos birdeı polıtsııa qyzmetkeri qaza tapty.
BQO polıtsııa departamentiniń baspasóz qyzmetinen málim etkenindeı, jol-kólik oqıǵasy 3 shilde kúni boldy.
Jol apaty saldarynan Tasqala aýdany polıtsııa bóliminiń eki qyzmetkeri kóz jumdy.
Atalmysh derek boıynsha sotqa deıingi tergeý amaldary bastaldy. Oqıǵanyń barlyq mán-jaıyn anyqtaýǵa baǵyttalǵan keshendi tergeý jáne jedel izdestirý is-sharalary júrgizilýde.
- BQO polıtsııa departamenti jáne ishki ister organdarynyń barlyq jeke quramy polıtsııa maıory Abzal Úmbetqalıev pen polıtsııa aǵa serjanty Nurǵalı Ádıetovtiń týma-týysqandaryna qaıǵylaryna ortaqtasyp, kóńil aıtady, - dep habarlady vedomstvodan.
QR Іshki ister mınıstri Erjan Sádenov te Instagram áleýmettik jelisindegi jeke paraqshasynda qos polıtsııa qyzmetkeriniń týǵan-týystaryna kóńil aıtty.
Eske sala keteıik, budan buryn Oralda 12 jastaǵy qyzdyń aýrýhanada kóz jumýyna baılanysty tekserý júrgizilip jatqanyn jazǵan edik.
