Batys Qazaqstanda jol apatynan eki adam mert boldy

ORAL. KAZINFORM - Batys Qazaqstan oblysynda eki adamnyń ólimine soqtyrǵan jol apaty boldy.

s
Foto: Kazinform

BQO polıtsııa departamentiniń baspasóz qyzmetinen málim etkenindeı, 15 qarasha kúni shamamen saǵat 18.09-da Jympıty-Qosoba avtojolynda Hyundai Solaris jáne VAZ-2110 avtokóligi soqtyǵysqan.

Aldyn ala málimet boıynsha anyqtalǵanyndaı, Hyundai Solaris avtokóliginiń júrgizýshisi qarsy betke shyǵyp ketip, VAZ-2110 avtomobılimen túıisýge jol bergen.

Jol apaty saldarynan VAZ-2110 avtokóliginiń júrgizýshisi men jolaýshysy oqıǵa ornynda jan tapsyrdy.

Hyundai Solaris júrgizýshisi men eki jolaýshysy medıtsınalyq mekemege jetkizildi.

Atalǵan derek boıynsha sotqa deıingi tergeý amaldary júrgizilýde. Kúdikti sot sanktsııasymen qamaýǵa alyndy. Basqa aqparat tergeý múddesinde QR Qylmystyq-protsestik kodeksiniń 201-babyna sáıkes jarııalaýǵa jatpaıdy, - dep habarlady vedomstvodan.

Turǵyndardyń sózine qaraǵanda, marqum bolǵan eki er adam Aqjaıyq aýdany Saıqudyq aýylynda turǵan. Sońdarynda shıetteı balalary qaldy.

Eske sala keteıik, budan buryn Oralda burynǵy polıtseıdiń pyshaq jaraqatyn alýyna baılanysty qylmystyq is qozǵalǵanyn jazǵan bolatynbyz.