Batys Qazaqstanda jol apatynan 6 adam zardap shekti

ORAL. KAZINFORM — Batys Qazaqstan oblysynda eki avtokólik soqtyǵysyp, saldarynan alty adam zardap shekti dep habarlaıdy, Kazinform tilshisi.

BQO polıtsııa departamentiniń baspasóz qyzmeti málim etkenindeı, oqıǵa 25 qazan kúni shamamen saǵat 18.55-te Atyraý-Ozınkı jolynyń 22-shaqyrymynda Báıterek aýdany Bolashaq aýyly tusynda boldy.

Aldyn ala málimet boıynsha «Lada Granta» avtokóliginiń júrgizýshisi qarsy betke shyǵyp ketip, «CHANGAN X5 PLUS» avtokóligimen soǵysqan.

— Jol apaty saldarynan «CHANGAN X5 PLUS» avtokóliginiń jolaýshylary túrli jaraqat aldy. Barlyǵy 6 adam zardap shegip, olar Oraldaǵy qalalyq kópbeıindi aýrýhanaǵa jetkizildi. Qazirgi kezde QR QK 345-baby 2-bóligine sáıkes sotqa deıingi tergeý amaldary júrgizilip, oqıǵanyń barlyq mán-jaıy anyqtalyp jatyr, — dep habarlady BQO polıtsııa departamenti.

Eske sala keteıik, budan buryn BQO-da jol apatynan bir adam qaza taýyp, úsheýi aýrýhanaǵa jetkizilgenin jazǵan edik.

Sondaı-aq Batys Qazaqstan oblysy aýmaǵyna ushqyshsyz ushatyn apparat qulady.