Batys Qazaqstanda jol apatynan 32 jastaǵy júrgizýshi mert boldy

Batys Qazaqstan oblysynda jol apatynan 32 jastaǵy júrgizýshi mert boldy, dep habarlaıdy Kazinform. 

BQO Polıtsııa departamenti baspasóz qyzmetinen túsken málimetke qaraǵanda, oqıǵa 8 jeltoqsan kúni Syrym aýdany aýmaǵynda boldy.

«Saǵat 19.20-da Samara-Shymkent jolynyń 389-shaqyrymynda 1991 jylǵy júrgizýshi «Seat» avtokóligimen qarsy betke shyǵyp ketken. Sodan qyrǵyzstandyq 34 jastaǵy júrgizýshi aıdap kele jatqan «Volvo» júk kóligimen betpe-bet soqtyǵysqan. Saldarynan jeńil kóliktiń júrgizýshisi jedel járdem kelgenshe kóz jumdy. Qazirgi kezde QR QK 345-baby 3-bóligine sáıkes sotqa deıingi tergeý amaldary júrgizilip jatyr», - dep habarlady vedomstvodan.

Osylaısha, Batys Qazaqstan oblysynda eki kúnniń ishinde úsh jol apatynan alty adam qaza tapty.

Eske sala keteıik, budan buryn Batys Qazaqstanda avtokólik aýdarylyp, úsh adamnyń qaza tapqanyn jazǵan bolatynbyz.

Sondaı-aq Batys Qazaqstanda jol apatynan eki adam kóz jumdy.