Batys Qazaqstanda jol apatynan 16 jastaǵy qyz qaza tapty

ORAL. KAZINFORM — Batys Qazaqstan oblysynda Oral-Atyraý jolynda bir otbasynyń músheleri jol apatyna ushyrady.

Oqıǵa 26 mamyrǵa qaraǵan túni boldy.

BQO densaýlyq saqtaý basqarmasynyń baspasóz qyzmetinen alynǵan aldyn ala málimetke qaraǵanda, jeńil kólik aýdarylyp qalǵan. 

Oqıǵa ornyna shuǵyl túrde Aqjaıyq aýdany Chapaev aýyldyq dárigerlik ambýlatorııasynan jáne Tasqala aýdandyq medıtsınalyq jedel járdem stantsııasynan brıgadalar jiberildi.

— Jol apaty saldarynan 2009 jylǵy qyz jedel járdem kelgenge deıin kóz jumdy. Taǵy bes adam túrli dene jaraqatyn alyp, medıtsınalyq kómekke júgindi. Olardyń bári de — bir otbasynyń músheleri, — dep habarlady vedomstvodan.

Qazirgi kezde oqıǵanyń mán-jaıy anyqtalý ústinde.

Eske sala keteıik, budan buryn Batys Qazaqstanda jol apatynan úsh adamnyń kóz jumǵanyn jazǵan bolatynbyz.

BQO-da úsh adam qaza tapqan jol apatyna baılanysty dárigerler naýqastardyń jaǵdaıy týraly aıtty.