09:06, 12 Mamyr 2024 | GMT +6
Batys Qazaqstanda Jaıyq ózeninen 7 adam qutqaryldy
ORAL. KAZINFORM - Batys Qazaqstan oblysynda Jaıyq ózeninde 7 adam qutqaryldy.
BQO tótenshe jaǵdaılar departamentiniń baspasóz qyzmetinen málim etkendeı, oqıǵa 10 mamyr kúni Terekti aýdanynda bolǵan.
«Saǵat 16.41-de Jaıyq ózeni boıymen júzýdi josparlaǵan adamdardan evakýatsııalaý jóninde ótinish túsken. BQO TJ departamenti jedel qutqarý jasaǵy jáne 12-órt sóndirý bólimshesi kúsh-quraldarynyń jáne dronnyń kómegimen Sáýir jary týrıstik aımaǵy mańynan 7 adam tabylyp, qaýipsiz jerge shyǵaryldy. Olar jaǵalaýǵa óz betimen jete almaǵan, qaıyqtyń bireýin ózen aǵyny alyp ketken» dep habarlady vedomstvodan.
Eske sala keteıik, budan buryn Oral qalasynda qoqys polıgony órtenip jatqanyn jazǵan bolatynbyz.
