Batys Qazaqstanda jantúrshigerlik jol apatynan 5 adam kóz jumdy
Batys Qazaqstan oblysynda jantúrshigerlik jol apatynan 5 adam kóz jumdy, dep habarlaıdy Kazinform.
BQO TJ departamentiniń baspasóz qyzmetinen málim etkenindeı, oqıǵa 9 qańtar kúni Jańaqala aýdany aýmaǵynda boldy.
«Saǵat 17.17-de Chapaev-Jańaqala joly boıynda Aqbalshyq pen Pıatımar aýyldarynyń arasynda Toyota Estima jáne Hyundai SantaFe avtokólikteri betpe-bet soqtyǵysty. Jol apaty saldarynan bes adam mert boldy. Qutqarýshylar marqumdardyń denesin avtokólikten shyǵardy», dep habarlady vedomstvodan.
BQO polıtsııa departamentiniń baspasóz qyzmeti oqıǵany rastap, aqparatty keıin beretinin jetkizdi.
Kýágerlerdiń sózine qaraǵanda, qaza tapqandardyń tórteýi bir úıdiń adamdary kórinedi.
Osylaısha, oblysta jańa jyl bastalǵannan bergi 9 kún ishinde jol-kólik oqıǵalarynan 12 adam qaza tapty.
Eske sala keteıik, budan buryn BQO-da jol apatynan 1 adam mert bolyp, 4-eýi jaraqat alǵanyn jazǵan edik.
Sondaı-q Oralda 17 jasar qyz qaza tapty.
