Batys Qazaqstanda zańsyz elik aýlaǵan tórt adam ustaldy

Batys Qazaqstan oblysynda zańsyz elik aýlaǵan tórt adam ustaldy, dep habarlaıdy Kazinform. 

BQO polıtsııa departamentiniń baspasóz qyzmetinen málim etkendeı, oqıǵa 2 qarasha kúni Bórli aýdany aýmaǵynda boldy.

«Bórli aýdany polıtsııa bóliminiń qyzmetkerleri keshki saǵat 20.20-da Ýtvınka aýylynan 500 metr qashyqtyqta «Toyota Hilux» avtokóligin toqtatty. Tekserý barysynda avtokóliktiń salonynan 2 qap eliktiń eti, tegis uńǵyly qosaýyz myltyq jáne oq-dáriler tabylyp, tárkilendi. Qosymsha tekserý barysynda atalǵan aýyldyń batys baǵytynda janýardyń 2 ushasy, 2 teri jáne 7 aıaǵy tabylyp, tárkilendi. Atalǵan derek boıynsha tıisti saraptamalar taǵaıyndaldy. Qolǵa túsken 23, 40, 37 jáne 46 jastaǵy turǵyndar bul áreketin ań aýlaýǵa shyqqanymen túsindirdi. Atalǵan derek QR QK-niń 337-baby 1-bóligine (zańsyz ańshylyq) sáıkes sotqa deıingi tergep-tekserýdiń biryńǵaı tizilimine tirkeldi», - dep habarlady vedomstvodan.

Eske sala keteıik, budan buryn BQO-da Jaıyq ózeni jaǵasynan 56 jastaǵy er adamnyń denesi tabylǵanyn jazǵan bolatynbyz.