Batys Qazaqstanda uıaly baılanys operatorlaryna 50 mln teńge aıyppul salyndy
ORAL. KAZINFORM — Batys Qazaqstan oblysynda uıaly baılanys operatorlarynyń qyzmet sapasyna baılanysty jyl basynan beri jospardan tys 28 tekserý júrgizildi.
BQO tsıfrlyq tehnologııalar basqarmasynyń basshysy mindetin atqarýshy Erǵalı Erjanovtyń málim etkenindeı, sonyń ishinde 12 tekserý aýyldarda, 16-sy Oral qalasynda aıaqtalǵan.
«Tekserý barysynda baılanys operatorlarynyń belgilengen standarttarǵa sáıkes kelmeıtini anyqtaldy. Sondyqtan olarǵa 49,8 mln teńge kóleminde ákimshilik aıyppul salyndy. Atap aıtqanda, Beeline jáne Tele2/ALTEL operatorlarynyń árqaısysy 22,1 mln teńgeden «arqalady». Sondaı-aq Ksell/Aktıv úshin aıyppul kólemi 5,5 mln teńge boldy», deıdi E.Erjanov.
Onyń aıtýynsha, bıyl Oral qalasy men 183 eldi mekendi mobıldi ınternetpen qamtýdyń sapasyn jaqsartý men keńeıtý kózdelse, sonyń ishinde 41 aýylda jańa bazalyq stantsııa salý josparlanǵan bolatyn. Qazirgi kezge deıin 13 aýylda ınternetpen qamtý sapasy jaqsartyldy.
«Kcell baılanys operatory 20 eldi mekende jańa bazalyq stantsııalar salýdy jáne 9-ynda qoldanystaǵylaryn jańǵyrtýdy qosa alǵanda, Oral qalasy men 28 aýylda baılanys sapasyn jaqsartý baǵytynda jumys isteýde. Kúni búgin 6 aýylda jańa bazalyq stantsııalar ornatylǵan. Sol sekildi Beeline baılanys operatory 23 aýylda bazalyq stantsııalardy ornalastyryp, 132 eldi mekende baılanys sapasyn jaqsartýdy josparlaǵan edi. Qazirgi ýaqytta mundaı jumystar alty aýylda atqarylǵan. Jyl sońyna deıin 16 eldi mekende jańa bazalyq stantsııalar ornatpaqshy», dedi E.Erjanov.
Basqarma basshysynyń málimdeýinshe, QR Tsıfrlyq damý, ınnovatsııalar jáne aeroǵarysh ónerkásibi mınıstrligi «Smart City» tujyrymdamasyna sáıkes jyl saıyn aqyldy qalalardyń reıtıngisin ótkizedi. Ótken jyldyń qorytyndysy boıynsha Oral qalasy 76 paıyzben úzdik 4 qalanyń qataryna kirgen.
Turǵyndardyń ótinishterine jedel den qoıý maqsatynda turǵyn úı-kommýnaldyq sharýashylyq salasynda táýlik boıy ikomek109 biryńǵaı call-ortalyǵy jumys isteıdi. Jalpy, jyl basynan beri call-ortalyǵyna 36 941 qońyraý tústi.
Sý tasqynynan zardap shekken turǵyn úılerdi qalpyna keltirý jumystary barysyn naqty ýaqyt rejıminde monıtorıng júrgizý úshin qurylys alańdarynda 8 eldi mekende jáne Oral qalasynyń 3 shaǵynaýdanynda 22 beınebaqylaý kamerasy ornatylyp, www.gov.kz ınternet-resýrsyna shyǵaryldy.
«BQO ákimdiginiń vedomstvolyq baǵynysty mekemeleriniń saıttaryn ońtaılandyrý aıasynda bkogov.kz biryńǵaı ınternet-resýrsqa 500-den astam saıtty ortalyqtandyrý jumystary jalǵastyrylýda. Osyǵan deıin atalǵan saıttardy ustaýǵa jergilikti bıýdjetten 50 mln teńgeden astam qarajat jumsalǵan. Qazirgi ýaqytta buǵan ketetin qarjy jylyna shamamen 2 esege azaıdy. IT-salada «IT-Hub» bazasynda baǵdarlamalaý mektebi quryldy, onda 2 jyl ishinde 47 maman kýrstardan ótip, jergilikti IT-kompanııalarda jumys isteýde. Sondaı-aq it-startaptardy ilgeriletý jáne tsıfrlyq saýattylyqty arttyrý úshin Jaiq Hub alańy ashyldy. Sonymen qatar «iQala» jobasy aıasynda ınjenerlik jelilerdi ótkizý úshin tehnıkalyq sharttardy berý protsessi «Qr.Gov.Kz» platformasynda avtomattandyrylǵan bolatyn. ıAǵnı, oblys ortalyǵynyń turǵyndaryna qyzmet kórsetý sharttaryn qaıta jasasý úshin árbir kommýnaldyq uıymǵa jeke barýdyń qajeti joq», dedi E.Erjanov.
Eske sala keteıik, budan buryn Batys Qazaqstanda 413 eldi mekenniń 334-i ınternetke qosylǵanyn jazǵan bolatynbyz.
