Batys Qazaqstanda úsik shalǵan adamdar sany artyp otyr

ORAL. KAZINFORM — Batys Qazaqstan oblysynda jyl basynan beri úsik shalǵan 24 adam aýrýhanaǵa tústi.

BQO densaýlyq saqtaý basqarmasynyń baspasóz qyzmetinen málim etkenindeı, bulardyń kópshiligi Jánibek, Kaztalov jáne Aqjaıyq aýdanynda tirkelgen. Sonyń ishinde jeti patsıent aýyr úsik shalý jaǵdaılarymen jatqyzylǵan. 

Báıterek aýdany Dostyq aýylynda turatyn áıel óz úıinde pesh istemeýi saldarynan qos tabanyn birdeı úsitip alǵan. Júreginiń de kináraty bar ol qazirgi kezde jansaqtaý bóliminde jatyr.

Aqjaıyq aýdanynda er adam boran kezinde adasyp ketip, dalada úsikke ushyraǵan. Onyń qos qoly men aıaǵyn kesýge týra keldi. Keıin ol úıine oraldy.

Belgili turaǵy joq er adam qos tabany úsip ketken, aýrýhanaǵa tústi. Ókpe týberkýlezine de shaldyqqan ol dárigerler qabyldaǵan sharalarǵa qaramastan, jansaqtaý bóliminde kóz jumdy. 

Aıazda kóligin jóndep, qos bilezigin úsitip alǵan qala turǵyny ota jasalmaı, aýrýhanadan shyqty. Mas kúıinde kóshede uıyqtap qalǵan taǵy bir turǵyn qos bileziginen aıyryldy. Belgili turaǵy joq taǵy bir er adam sondaı kúıge ushyrady, onyń qos tabany kesiledi.

— Medıtsına qyzmetkerleriniń baıqaýynsha, kóbine jasy 50-den asqan er adamdar úsikpen túsedi. Olardyń arasynda belgili turaǵy joq adamdar barshylyq. Kóp jaǵdaıda alkogol ónimin pa ıdalaný sebep bolady. Ótken jyly 12 úsik shalý deregi tirkelse, bıyl odan áldeqaıda ósip ketip otyr. Mamandar muny qatań aýa raıymen, qatty aıazben baılanystyrady. Medıtsına qyzmetkerleri qys kezinde jyly kıinip, avtokólikpen alys jolǵa shyǵýdan tartynyp, kóshede júrý ýaqytyn qysqartý qajettigin eske salady. Al úsik shalǵan ýaqytta birden medıtsınalyq kómekke júginý qajet, — dep habarlady vedomstvodan.

Eske sala keteıik, budan buryn BQO-da taǵy bir er adamnyń denesi tabylǵanyn jazǵan edik.
Batys Qazaqstan oblysynda ótken jylǵy 13-14 jeltoqsandaǵy boran kezinde tórt adam kóz jumdy.