Aqtóbe oblysynda ýnıversıtet rektorynyń para alyp jatqan sáti vıdeoǵa túsip qalǵan

ASTANA. KAZINFORM - M.Ospanov atyndaǵy Batys Qazaqstan medıtsına ýnıversıtetiniń rektory jemqorlyqqa baılanysty kúdikke ilindi. Bul týraly Sybaılas jemqorlyqqa qarsy is-qımyl agenttiginiń baspasóz qyzmeti málimdedi.

Agenttik málimetinshe, ol Almaty qalasynda kásipkerden 11,6 mln teńge kóleminde para alǵan.

 

«Almaty oblysynyń Sybaılas jemqorlyqqa qarsy qyzmeti «M.Ospanov atyndaǵy Batys Qazaqstan medıtsına ýnıversıteti» KEAQ Basqarma tóraǵasyn áshkereledi. Ol medıtsınalyq jabdyqtardy memlekettik satyp alý sharttary boıynsha bıýdjet qarajatyn kedergisiz aýdarǵany úshin Almaty qalasynyń kásipkerinen 11,6 mln teńge kóleminde para alǵan», - delingen habarlamada.

Sottyń sanktsııasymen kúdikti qamaýǵa alyndy. Tergeý jalǵasyp jatyr. Qylmystyq-protsestik kodeksiniń 201-babyna sáıkes ózge aqparat jarııa etýge jatpaıdy.

Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.