21:11, 06 Qańtar 2024 | GMT +6
Batys Qazaqstanda ýaqytsha salynǵan joldy sý shaıyp ketti
Batys Qazaqstan oblysynda ýaqytsha salynǵan joldy sý shaıyp ketti, dep habarlaıdy Kazinform.
BQO TJ departamentiniń baspasóz qyzmetinen málim etkenindeı, oqıǵa 6 qańtar kúni Báıterek aýdany aýmaǵynda boldy.
«Aýdan ortalyǵy Peremetnyı aýyly janynda Derkól ózeninde jóndelip jatqan kópirdiń qasynda ýaqytsha úıindi jol shaıyldy. Atalǵan jol ózen arqyly ótý úshin salynǵan. Aýyldy sý basý qaýpi joq. Jaqyn jerde Zelenyı aýyly arqyly ótetin aınalma jol bar. Ómir súrý jaǵdaılary buzylǵan joq. Sý deńgeıi tómendegen soń qalpyna keltirý jumystary júrgiziledi. Aýdan turǵyndaryn tynyshtyq saqtap, dúrbeleńge túspeýin suraımyz», - dep habarlady vedomstvodan.
