Batys Qazaqstanda tirkelgen órt sany 640-tan asty
ORAL. KAZINFORM — Batys Qazaqstan oblysynda jyl basynan beri 642 órt tirkeldi, bul ótken jylǵy osy kezeńdegiden (597) 7,5 paıyzǵa artyq.
BQO TJ departamentiniń baspasóz qyzmetinen málim etkenindeı, órt saldarynan 11 adam (ótken jyly osy merzimde — 12) qaza taýyp, beseýi (3) jaraqat aldy. Sonyń ishinde bireýi — bala.
Órtterden 10 mln 555 myń teńge (2025 jyly on aıda — 32 mln 248,7 myń teńge) materıaldyq shyǵyn keltirildi.
Turǵyn úıdegi órt qaýpi jylytý maýsymy kezinde kúsheıetini málim. Osyǵan oraı 13 tamyzda oblystyq komıssııanyń otyrysynda turǵyn úı sektoryndaǵy órttiń aldyn alý boıynsha 26 is-sharadan turatyn jospar bekitildi. Daıyndyqtyń birinshi kezeńi 15 tamyz ben 15 qyrkúıek aralyǵynda ótti. Osy kezeńde áleýmettik osal otbasylardyń tizimi naqtylandy. Atap aıtqanda, 631 otbasynyń ishinen 581-i esepke alyndy.
Oblys boıynsha TJ qyzmetkerleri 25 280 úıdi aralap, 49 410 turǵynǵa órt qaýipsizdigi talaptary túsindirildi. «Qaýipsiz pesh» jáne «Kómek qoly» aktsııalary aıasynda 62 reıd ótkizilip, 1 300-den astam turǵyn qamtyldy.
— Bıyl 401 ýly gaz datchıgi jańadan ornatyldy. Ótken maýsymnan beri paıdalanylyp kele jatqan, jaramdylyǵy tekserilgen 162 datchıkti qosa alǵanda, 581 otbasynyń 563-i datchıkpen qamtyldy (96,9 paıyz). Oral qalasynda 15, Jánibek aýdanynda 3 otbasy datchık ornatýdan bas tartty, — dep habarlady vedomstvodan.
Eske sala keteıik, budan buryn BQO-da órt qaýipsizdigi talaptaryn buzǵandarǵa 2,9 mln astam teńge aıyppul salynǵanyn jazǵan edik.