Batys Qazaqstanda Toyota Prado júk kóligimen soqtyǵysyp, úsh adam qaza tapty

ORAL. KAZINFORM – Batys Qazaqstan oblysynda Toyota Prado Volvo júk kóligimen soqtyǵysyp, janyp ketti.

BQO polıtsııa departamentiniń baspasóz qyzmetinen málim etkendeı, oqıǵa 24 maýsym kúni shamamen saǵat 16.45-te Samara-Shymkent joly boıynda Terekti aýdany aýmaǵynda boldy.

«Ańqaty aýyly tusynda Toyota Prado Volvo júk kóliginiń tirkemesimen túıisti. Jol apaty saldarynan jeńil kólik otqa orandy. Órt sóndirilgennen keıin avtokólik salonynan úsh adamnyń múrdesi tabyldy. Atalǵan derek boıynsha tergeý amaldary bastaldy. Oqıǵanyń mán-jaıy anyqtalyp jatyr» dep habarlady vedomstvodan.

Eske sala keteıik, budan buryn BQO-da polıtsııa qyzmetkeri jeke kóligimen jylqyǵa soqtyǵysyp, bir adamnyń kóz jumǵanyn jazǵan bolatynbyz.