Batys Qazaqstanda sýǵa ketken aýyldan turǵyndar tikushaqpen evakýatsııalanyp jatyr
ORAL. KAZINFORM — Batys Qazaqstan oblysy Qaratóbe aýdany Qorjyn aýylynyń turǵyndary tikushaqpen evakýatsııalanyp jatyr.
BQO TJ departamentiniń baspasóz qyzmetinen túsken málimetke qaraǵanda, adamdardy kóshirýge QR Qorǵanys mınıstrliginiń MI-8 eki tikushaǵy tartyldy. Osy ýaqytqa deıin aýdan ortalyǵy Qaratóbe aýylyna 92 adam evakýatsııalandy. Jumystar jalǵasýda. BQO ákiminiń orynbasary Baqytjan Narymbetovtiń brıfıngide málim etkenindeı, oblys boıynsha barlyǵy 663 adam evakýatsııalyq qosynǵa ornalastyryldy. Syrym jáne Qaratóbe aýdandarynda jaǵdaı kúrdeli kúıinde qalyp otyr.
«Óńirde 321 myńnan astam tekshe metr erigen qar sýy sorylyp, 17 myńnan astam qaptar tóseldi. Qazirgi ýaqytta 944 adam 290 tehnıka, 141 motopompamen sý tasqynyna qarsy jumystardy júrgizýde. Qosymsha Mańǵystaý jáne Almaty oblystarynan kúsh-quraldar kómekke tartyldy. Oral qalasy, sondaı-aq Qaratóbe, Terekti aýdandarynda jergilikti aýqymdaǵy tabıǵı sıpattaǵy tótenshe jaǵdaı jarııalandy. Osyndaı sheshim Syrym aýdanynda da daıyndalyp jatyr», - dedi Baqytjan Haberuly.
Eske sala keteıik, budan buryn Batys Qazaqstan oblysynda 430-dan astam úıge sý kirgenin jazǵan bolatynbyz.
Sondaı-aq Batys Qazaqstan oblysynda 18 joldy tasqyn sý shaıyp ketti.
