Batys Qazaqstanda sýǵa ketken 820 úıge turǵyndar qaıtyp oraldy
ORAL. KAZINFORM — Batys Qazaqstan oblysynda alty aýdan men Oral qalasynda 1 126 turǵyn úıdi sý basty.
BQO ákiminiń orynbasary Qalııar Aıtmuhambetovtiń málim etkenindeı, qazirgi tańda sýǵa ketken 820 úıge turǵyndar qaıtyp oraldy. 391 úıde adamdar turyp jatyrǵan joq. 15 úı bos tur.
Qalııar Shadııarulynyń sózine qaraǵanda, óńir turǵyndaryna sý tasqyny saldarynan keltirilgen materıaldyq zalaldy tıisti baǵalaý jumystary bastaldy. Qazirgi tańda sýǵa ketken úılerdiń 929-yna tehnıkalyq saraptama júrgizildi. Budan bólek oblys boıynsha 2 994 saıajaı úıin sý basty.
«Sý tasqyny bastalǵannan beri 2 351 bas iri qara (sonyń ishinde: Aqjaıyq aýdanynda - 300, Terektide – 503, Syrymda – 447, Bórlide – 744, Báıterekte -130, Oral qalasynda - 227), 2 482 bas qoı-eshki (Terekti – 534, Syrym – 731, Bórli – 955, Báıterek – 130, Oral qalasy - 132) jáne 52 bas jylqy (Bórli - 31, Terekti – 2, Oral - 19), 1 túıe (Oral) qaýipsiz aýmaqqa kóshirildi. Aýdan deńgeıinde qurylǵan arnaıy komıssııa barlyǵy 2 187 bas maldyń shyǵynyn rastap, onyń ishinde 325 bas iri qara (Bórli, Qaratóbe, Syrym, Terekti) 56 bas jylqy (Bórli, Qaratóbe, Syrym), 1 739 bas usaq mal (Bórli, Qaratóbe, Syrym, Terekti), 67 bas shoshqa (Báıterek, Bórli) jáne 81 bas úı qusynyń (Qaratóbe, Terekti) aktisi rásimdelgen. Búgingi tańda rastalǵan mal ólekseleri tolyqtaı joıyldy. Arnaıy komıssııalar óz jumystaryn odan ári jalǵastyrýda», - dedi Q.Aıtmuhambetov.
Onyń aıtýynsha, sý tasqynynan zardap shekken azamattarǵa jan-jaqty kómek kórsetý jumystary jalǵasýda. Birjolǵy áleýmettik kómekten bólek sý tasqyny bastalǵannan beri zardap shekkenderge 691 tonna kóleminde nemese 314,3 mln teńgege gýmanıtarlyq kómek kórsetildi (azyq-túlik – 558 tonna, dári-dármek – 4 tonna, kıim-keshek – 129 tonna). Oblys boıynsha 5 gýmanıtarlyq kómek pýnkti jumys isteýde.
Eske sala keteıik, budan buryn sý tasqynyna baılanysty BQO-da apattyq-qutqarý jumystaryna 8 200-den astam adam jumyldyrylǵanyn jazǵan edik.
Sondaı-aq Oraldyń qaýipti tustarynda 27 shaqyrymǵa jýyq bóget bıiktetilip jatyr.
Batys Qazaqstanda tasqynnan japa shekken 863 otbasy áleýmettik kómek aldy.
Qyzylordalyq qutqarýshylar Oral qalasyndaǵy saıajaı turǵyndaryn kóshirip jatyr.
