17:03, 21 Naýryz 2025 | GMT +5
Batys Qazaqstanda sý shaıyp ketken kópir qalpyna keltirildi
ORAL. KAZINFORM — Batys Qazaqstan oblysy Syrym aýdany Araltóbe aýyly mańyndaǵy ýaqytsha kópir arqyly avtokólikter toqtaýsyz ótip jatyr.

Syrym aýdanynyń ákimi Jumageldi Batyrnııazovtyń málim etkenindeı, 16 naýryz kúni atalǵan kópirdi eki jaǵynan sý shaıyp ketken bolatyn.
Ákimniń sózine qaraǵanda, «Uniserv» JShS-nyń tehnıkalary shuǵyl túrde jumyldyrylyp, kópir 20 naýryz kúni keshkisin saǵat 22.00-de qoldanysqa berildi.
— Osyǵan deıin avtokólikter Araltóbe aýylyna Aqsaı qalasy arqyly qatynap kelgen edi. Qazirgi kezde eshqandaı másele joq. Avtokólikter emin-erkin ótip jatyr, — dedi Jumageldi Batyrnııazov.
Eske sala keteıik, budan buryn Batys Qazaqstanda aýyl mańyndaǵy kópirdi sý shaıyp ketkenin jazǵan bolatynbyz.