Batys Qazaqstanda sońǵy bes jylda 12 jasóspirim júkti bolyp qalǵan

ORAL. KAZINFORM — Batys Qazaqstan oblysynda 2020-2024 jyldary 12 jasóspirim júkti bolyp qalǵan.

BQO densaýlyq saqtaý basqarmasynan túsken málimetke qaraǵanda, 2020 jyly — 1, 2021 jyly — 3, 2022 jyly — 3, 2023 jyly — 2, ótken jyly 3 derek tirkelgen.
Osynyń ishinde jeteýi Oral qalasynyń úlesine tıedi.

Júkti bolǵandardyń eń kishisi 2023 jyldan bastap 15 jasta. 

Oǵan qosa bıyldyń ózinde eki jasóspirimniń aıaǵy aýyr ekendigi anyqtaldy. 

— Jasóspirimder júkti bolǵan jaǵdaıda eklampsııa, týǵannan keıingi endometrıt jáne júıeli ınfektsııalar syndy asqynýlar týyndaýy múmkin. Olardyń shaqalaqtary kóbine salmaǵy az bolyp, shala týylady jáne aýyr dertterge ushyraýy yqtımal. Erte júktilik anasy úshin de, sábıi úshin de qaýipti. Bul kóbinese túsik jasatýmen aıaqtalady. Al, ásirese, birinshi ret túsik jasatý bedeýlikke deıingi asqynýlarǵa soqtyrýy múmkin, — dep habarlady vedomstvodan.

Eske sala keteıik, budan buryn Oralda mekteptegi álimjettik oqıǵasy boıynsha qylmystyq is qozǵalǵanyn jazǵan bolatynbyz.