Batys Qazaqstanda soǵys kezinen qalǵan snarıad tabyldy
ORAL. KAZINFORM — Batys Qazaqstan oblysy Terekti aýdany aýmaǵynda snarıad tabyldy.
Turǵyndardyń sózine qaraǵanda, oqıǵa 9 mamyr kúni Aqsýat aýylynda boldy.
BQO polıtsııa departamenti baspasóz qyzmetiniń naqtylaýynsha, aldyn ala málimet boıynsha Ekinshi dúnıejúzilik soǵys kezinen qalǵan snarıad tabylǵan orynǵa saperlar jiberildi.
- Qaýipti zat tekserilip, barlyq qaýipsizdik sharalary saqtala otyryp, dalalyq jerde joıyldy. Eldi meken turǵyndary úshin qaýip tóngen joq, - dep habarlady vedomstvodan.
Eske sala keteıik, budan buryn Batys Qazaqstanda Azamat soǵysynan qalǵan artıllerııalyq snarıad tabylǵanyn jazǵan edik.
