Batys Qazaqstanda Shaǵan ózenindegi sý deńgeıi 860 santımetrge jýyqtady

ORAL. KAZINFORM – Batys Qazaqstan oblysynda Jaıyq, Shaǵan ózenderinde sý deńgeıi kóterilse, Derkólde tasqynnyń beti qaıtty.

«Qazgıdromet» RMK BQO fılıalynyń búgingi málimetine qaraǵanda, Jaıyqta Bórli aýdany Jarsýat aýyly tusynda 283 sm (+13 sm, qaýipti shegi – 1 myń sm), Báıterek aýdany ıAnvartsevte 306 sm (+46 sm, 1 myń sm), Oral qalasynda 301 sm (+46 sm, 850 sm), Kóshimde 246 sm (+24 sm, 850 sm) boldy.

Sondaı-aq Shaǵandaǵy sý deńgeıi Báıterek aýdany Chývashın aýylynda bir táýlikte 79 sm bıiktep, 857 santımetrge (qaýiptisi – 1 280-1 300 sm) jetti.

Kerisinshe Jaıyqtyń taǵy bir salasy Derkóldiń qarqyny báseńdep, Tasqala aýyly tusynda 108 sm, Báıterek aýdany Zelenyı eldi mekeninde 53 sm, Beleste 32 santımetrge tómendedi.

Syrym, Qaratóbe aýdandarynda shaǵyn ózenderdiń kóterilip jatqanyn aıtýǵa bolady. Syrym aýdanynda Shidertiniń deńgeıi Araltóbede 525 sm (+33 sm, qaýiptisi – 960 sm), Óleńti Jympıtyda 363 sm (+37 sm, 490-520 sm), Buldyrty osy ózen attas aýyl tusynda 181 santımetrdi (+8 sm, 280 sm) kórsetti.

Sol sekildi Qaratóbede Qaldyǵaıty ózeni Egindikól aýylynda kesheden beri 30 sm (319 sm, qaýipti shegi – 470 sm), Shıeli Shalǵyn eldi mekeninde 83 santımetrge (268 sm, 380 sm) joǵarylady.

Eske sala keteıik, budan buryn Jaıyq ózenindegi sý deńgeıi bir táýlikte Oralda 40 santımetrge kóterilgenin jazǵan bolatynbyz.

Batys Qazaqstanda aýyl mańyndaǵy kópirdi sý shaıyp ketti.

BQO-da aǵyn sýǵa baılanysty eldi mekenmen kólik qozǵalysy toqtatyldy.