00:58, 21 Qańtar 2024 | GMT +6

Batys Qazaqstanda respýblıkalyq jolda qozǵalys shekteldi

9 облыстағы автожолдардың 42 учаскесінде көлік қозғалысы шектелді — Фото: Мухтор Холдорбеков/Kazinform

ORAL. KAZINFORM – Batys Qazaqstan oblysynda aýa raıynyń nasharlaýyna baılanysty respýblıkalyq joldyń eki bóliginde qozǵalys shekteldi.

«QazAvtoJol» UK» AQ BQO fılıalynyń málimeti boıynsha 20 qańtar kúni jergilikti saǵat 20.40-tan bastap respýblıkalyq mańyzy bar Kaztalov-Jánibek-RF shekarasy (0-158 km, Kaztalov-Jánibek) joly barlyq kólik túrleri úshin jabyldy.

Sol sekildi osy ýaqyttan bastap respýblıkalyq mańyzy bar Chapaev-Jalpaqtal-Kaztalov (0-213 km, Chapaev-Kaztalov) jolynda barlyq kólikke shekteý engizildi.

Jol bólikteriniń jabylý sebebi – keı jerlerde kóktaıǵaq, jel, jańbyr.

Osyǵan baılanysty BQO TJ departamenti eskertý jarııalady.

Qazirgi kezde Batys Qazaqstan oblysynda 5 respýblıkalyq, 1 oblystyq jol jabyq tur.
Eske sala keteıik, budan buryn Batys Qazaqstanda oblystyq mańyzy bar jol jabylǵanyn jazǵan bolatynbyz.

Sondaı-aq boranǵa baılanysty Qazaqstan-Reseı shekarasynda júk kólikterine shekteý qoıyldy.

Tegter:

Батыс Қазақстан облысы Ауа райы Жол

Сейчас читают