Batys Qazaqstanda Reseımen shekarada júk kólikteri kepteliste tur
ORAL. KAZINFORM – Batys Qazaqstan oblysynda Reseımen shekarada júk kólikteriniń kepteliste turǵany jóninde áleýmettik jelide beınejazba jarııalandy.
Beınejazbaǵa qaraǵanda, júk kólikteriniń kezegi tym kóp ekendigi baıqalady.
Osyǵan oraı Kazinform tilshisi joldaǵan saýalǵa BQO memlekettik kirister departamenti jaýap berdi.
Departamentten túsken málimetke qaraǵanda, «Syrym» avtomobıl ótkizý beketinde jáne oǵan irgeles aýmaqta júk kólikteriniń shoǵyrlanýy Reseı tarapynan qabyldaýdyń jaı qarqynmen júrýine baılanysty bolǵan.
- Qazirgi kezde eki eldiń quzyretti organdary arasynda ózara is-qımyldy uıymdastyrý jumystary júrgizilýde. Syrtqy ekonomıkalyq qyzmet qatysýshylary tarapynan keptelis kezinde memlekettik kirister organdarynyń jumysyna renish týyndaǵan joq, - dep habarlady vedomstvodan.
Eske sala keteıik, budan buryn BQO-la Reseımen shekarada júk kólikteriniń keptelisi týyndaǵanyn jazǵan edik.
Sondaı-aq BQO-da «Syrym» avtomobıl ótkizý beketiniń jóndeýge qashan jabylatyny belgisiz ekendigi habarlandy.