Batys Qazaqstanda polıtsııa qyzmetkeri avtokóligimen er adamdy qaǵyp óltirdi

ORAL. KAZINFORM - Batys Qazaqstan oblysynda polıtsııa qyzmetkeri avtokóligimen er adamdy qaǵyp óltirdi.

BQO polıtsııa departamentiniń baspasóz qyzmetinen málim etkenindeı, oqıǵa Oral qalasyna qarasty Melovye gorkı aýdanynda boldy.

Aldyn ala málimet boıynsha jol-kólik oqıǵasy joldyń jaryqtandyrylmaǵan bóliginde bolǵan. Qarsy kele jatqan avtokóliktiń jaryǵy júrgizýshiniń kózin qaryqtyryp jibergen.

- Avtokólik rýlinde polıtsııa qyzmetkeri boldy. Medıtsınalyq kýálandyrý onyń ishimdik ishpegenin kórsetti. Polıtsııa qyzmetkeri ishki ister organynan qýyldy. Qyzmettik tekserý júrgizilýde. QR QK 345-baby 3-bóligine sáıkes qylmystyq is qozǵaldy. Basqa aqparat QR Qylmystyq is júrgizý kodeksiniń 201-babyna sáıkes jarııalaýǵa jatpaıdy, - dep habarlady vedomstvodan.

Eske sala keteıik, budan buryn Oralda kolledj stýdentiniń máıiti tabylǵanyn jazǵan bolatynbyz.