Batys Qazaqstanda ózenderde muz jarý jumystary bastaldy

ORAL. KAZINFORM - Batys Qazaqstan oblysy aýmaǵynda ózenderde muz jarý jumystary bastaldy.

BQO TJ departamentiniń baspasóz qyzmetinen málim etkenindeı, bul is-sharalar sý aıdyndarynda muz keptelisine jol bermeý maqsatynda uıymdastyrylyp otyr.

Búgin arnaıy qurylǵan komıssııanyń qatysýymen Oral qalasynda Shaǵan ózeniniń eki ýchaskesinde 2 900 sharshy metrde muz jaryldy.

"Osyndaı jumystar oblys ortalyǵyna qosa Bórli, Báıterek, Kaztalov, Tasqala, Syrym, Shyńǵyrlaý aýdandarynyń 26 ýchaskesinde júrgizilip, shamamen 8 naýryzǵa deıin jalǵasady. Muz jarý jumystaryna oblystyq bıýdjetten 35 mln teńge bólingen", - dep habarlady vedomstvodan.

Eske sala keteıik, budan buryn BQO-da sý basý qaýpi bar 147 eldi meken baqylaýǵa alynǵanyn jazǵan bolatynbyz.