Batys Qazaqstanda óz úıinen er adamnyń denesi tabyldy

ORAL. KAZINFORM - Batys Qazaqstan oblysynda óz úıinen er adamnyń denesi tabyldy.

BQO Polıtsııa departamenti baspasóz qyzmetinen túsken málimetke qaraǵanda, oqıǵa 3 aqpan kúni Báıterek aýdany Dostyq aýylynda boldy.

«Shamamen saǵat 09.00-de óz úıinen kóptegen jaraqatpen er adamnyń múrdesi tabyldy. Alynǵan is-sharalardyń nátıjesinde osy qylmysqa kúdikti retinde 1990 jylǵy turǵyn anyqtalyp, ustaldy. Aldyn ala málimet boıynsha araq ishý barysynda er adamdar arasynda janjal shyqqan. Kúdikti kinásin moıyndap, jaýap berdi. Ol QR Qylmystyq is júrgizý kodeksi 128-babynyń tártibimen Prıýral polıtsııa bóliminiń ýaqytsha ustaý ızolıatoryna qamaldy. Tergeý amaldaryn Prıýral polıtsııa bólimi júrgizip jatyr. Basqa aqparat QR Qylmystyq is júrgizý kodeksiniń 201-babyna sáıkes jarııalaýǵa jatpaıdy», - dep habarlady vedomstvodan.

Eske sala keteıik, budan buryn Oralda zorlyqpen óltirilgen er adamnyń múrdesi tabylǵanyn jazǵan bolatynbyz.