Batys Qazaqstanda órtten bir otbasynan bes bala kóz jumdy

ORAL. KAZINFORM — Batys Qazaqstan oblysy Syrym aýdany ortalyǵy Jympıty aýylynda qaıǵyly oqıǵa boldy.

BQO TJ departamentinen túsken aldyn ala málimetke qaraǵanda, oqıǵa 4 maýsym kúni saǵat 15.00-den kete boldy. Q.Saǵyrbaev kóshesi 8-mekenjaıda turǵyn úı órtendi. 

- Órt sóndirýshiler habar túskennen soń 5 mınýttan keıin jetken. 30 sharshy metr aýmaqta jeke zattar men jıhaz otqa orandy. Qutqarýshylar bes balany es-tússiz kúıinde aýrýhanaǵa jetkizgenimen, olar kóz jumdy. Órt tolyqtaı sóndirildi. Oqıǵa ornynda departament qyzmetkerleri jumys jasap jatyr, - dep jazdy vedomstvodan.

Turǵyndardyń sózine qaraǵanda, bes ul balanyń úlkeni 6 jasta, eń kishisi 2023 jylǵy. 
Marqumdardyń ata-anasy páter jaldap turǵan, órt kezinde jumysta bolǵan.

BQO densaýlyq saqtaý basqarmasy baspasóz qyzmetiniń naqtylaýynsha, bes balanyń bárin de aýdandyq aýrýhanaǵa TJD qyzmetkerleri tirshilik belgileri joq kúıinde jetkizgen. Dárigerler qoldan kelgenniń bárin jasady, alaıda olardy aman alyp qalý múmkin bolmaǵan.

Eske sala keteıik, budan buryn Toqtar Áýbákirovtiń sýǵa batyp bara jatqan balany qutqaryp qalǵanyn jazǵan bolatynbyz.