Batys Qazaqstanda ormanǵa kirýge tyıym salyndy
ORAL. KAZINFORM — Batys Qazaqstan oblysy ákimdiginiń qaýlysy negizinde óńirde joǵary órt qaýpi kezeńinde arnaıy shekteýler kúshine endi.
BQO ákiminiń baspasóz qyzmetinen málim etkenindeı, kún saıyn saǵat 11.00-den 20.00-ge deıin jeke tulǵalardyń ormanǵa barýyna jáne demalýyna, sondaı-aq kólik quraldarynyń toǵaı ishine kirýine qatań tyıym salynady.
Qujatqa sáıkes bul talap aýa raıy tolyq turaqtalǵanǵa deıin, ıaǵnı temperatýra tómendegenshe saqtalady.
- Órt qaýipsizdigi erejelerin buzǵan jáne ákimdik qaýlysynyń talaptaryn elemegen azamattar Qazaqstan Respýblıkasy Ákimshilik quqyq buzýshylyq týraly kodeksiniń 367-babyna sáıkes jaýapkershilikke tartylady, - delingen resmı málimette.
Eske sala keteıik, budan buryn Oral qalasynda saıajaılar jaryqsyz qalǵanyn jazǵan edik.
Sondaı-aq Oral qalasynda Han toǵaıy otqa orandy.
Oralda qatty turmystyq qaldyqtar polıgony órtenip jatyr.
Oralda tótenshe jaǵdaı jarııalandy.
