Batys Qazaqstanda mototsıklge mingen 19 jastaǵy jigit mert boldy

ORAL. KAZINFORM – Batys Qazaqstan oblysy Bórli aýdanynda 19 jastaǵy jigit jol apatynan qaıǵyly qazaǵa ushyrady. 

BQO polıtsııa departamenti baspasóz qyzmetinen málim etkenindeı, oqıǵa 2 qyrkúıek kúni Bórli aýylynda boldy.

«Shamamen saǵat 00.50-de 19 jastaǵy júrgizýshi «Ýral» mototsıkliniń rýline ıe bola almaı, baǵanǵa soqtyǵysqan. Jol apaty saldarynan mototsıklde otyrǵan 2005 jylǵy jolaýshy oqıǵa ornynda kóz jumdy. Taǵy bir jolaýshy aýrýhanaǵa jetkizildi. Atalmysh oqıǵa boıynsha qylmystyq is qozǵaldy. Tergeý amaldary júrgizilýde», - dep habarlady vedomstvodan.

Eske sala keteıik, budan buryn Oralda 39 ret jol erejesin buzǵan júrgizýshige 1 mln teńge aıyppul salynǵanyn jazǵan bolatynbyz.