Batys Qazaqstanda mototsıkl aýdarylyp, er adam kóz jumdy
ORAL. KAZINFORM — Batys Qazaqstan oblysy Jańaqala aýdanynda adam ólimine soqtyrǵan jol-kólik oqıǵasy tirkeldi.
BQO polıtsııa departamentiniń baspasóz qyzmetinen málim etkenindeı, oqıǵa 13 qazan kúni shamamen saǵat 18.40-ta Chapaev-Jańaqala-Saıqyn jolynyń 142-shaqyrymynda boldy.
Aldyn ala málimet boıynsha júrgizýshi SONLINK mototsıklin motodýlyǵasyz aıdaǵan. Sodan Másteksaı aýylyna bara jatqan jolda rólge ıe bola almaı, mototsıkl aýdarylǵan.
— Er adam alǵan jaraqattary saldarynan medıtsınalyq mekemede kóz jumdy. Atalǵan derek boıynsha sotqa deıingi tergeý amaldary júrgizilýde. Basqa aqparat QR Qylmystyq-protsestik kodesiniń 201-babyna sáıkes jarııa etýge jatpaıdy, — dep habarlady vedomstvodan.
Eske sala keteıik, budan buryn Oralda kópqabatty úıdiń tóbesinen qulaǵan eki jasóspirimniń mert bolǵanyn jazǵan edik.
Sondaı-aq Oralda er adamdy pyshaqtap óltirgen kúdikti ustaldy.
