Batys Qazaqstanda qolaısyz aýa raıyna baılanysty 11 jol bóliginde qozǵalys shekteldi

ORAL. KAZINFORM – Batys Qazaqstan oblysynda qolaısyz aýa raıyna baılanysty 11 jol bóligi jabyldy.

BQO TJ departamentiniń baspasóz qyzmetinen málim etkenindeı, 17 qańtar kúni jergilikti saǵat 11.40-taǵy aqparat boıynsha 10 respýblıkalyq, 1 oblystyq jol bóliginde kólik qozǵalysy shektelgen.

«Atap aıtqanda, Oral-Tasqala-RF shekarasy (4-104 km, Oraldan Reseı shekarasyna deıin), Chapaev-Jalpaqtal-Kaztalov (0-213 km, Chapaevtan Kaztalovqa deıin), Kaztalov-Jánibek-RF shekarasy (0-158 km, Kaztalovtan Jánibekke deıin), Ónege-Bısen-Saıqyn (0-103 km, Ónegeden Saıqynǵa deıin) joldary jabyq. Sondaı-aq Samara-Shymkent (195-251 km, Oral qalasy MAI beketinen Reseı shekarasyna deıin), Samara-Shymkent (261-393 km, Terekti aýdany Podstepnyı aýylynan Jympıtyǵa deıin), Atyraý-Oral (492-189 km, Atyraý oblysynan Oralǵa deıin), Oral-Teploe (5-33 km, Oraldan Reseı shekarasyna deıin), Podstepnyı-Terekti-Reseı shekarasy (0-36 km, Podstepnyı-Terekti), Jaıyq ózeninen ótetin kópir (0-14 km) jolynda qozǵalys shekteldi. Oǵan qosa oblystyq mańyzy bar Terekti-Aqsaı (0-82 km) joly da jabyq. Jabylý sebebi – qatty jel, boran, joldyń kórinbeýi», dep habarlady vedomstvodan.

Eske sala keteıik, budan buryn Batys Qazaqstanda boranǵa baılanysty birneshe joldyń jabyq turǵanyn jazǵan bolatynbyz.