Batys Qazaqstanda kıikten pasterellez aýrýy anyqtaldy
ORAL. KAZINFORM — Batys Qazaqstan oblysynda aýrý kıikterdiń neden ólgeni belgili boldy.
QR AShM Veterınarlyq baqylaý jáne qadaǵalaý komıteti oblystyq aýmaqtyq ınspektsııasynyń basshysy Marat Otarálıevtiń óńirlik kommýnıkatsııalar qyzmeti alańynda ótken brıfıngte málim etkenindeı, 8 sáýir kúni BQO orman sharýashylyǵy jáne janýarlar dúnıesi aýmaqtyq ınspektsııasynan 20-30 bas kıiktiń óleksesi tabylǵany jóninde habar túsken.
Marat Eginbaıulynyń sózine qaraǵanda, basqa da múddeli organdar mamandarymen birge oqıǵa ornyna baryp, eki kıikten synama alynyp, «Veterınarııa boıynsha ulttyq referenttik ortalyq» RMK-ǵa joldanǵan.
- 23 sáýir kúni ulttyq referenttik ortalyqtan kelgen málimet boıynsha synamadan pasterellez aýrýy anyqtaldy. Sonymen qatar jyl saıyn júrgiziletin monıtorıng aıasynda mamandarmen birge Kaztalov, Jánibek, Jańaqala, Bókeı ordasy aýdandarynda boldyq. 17-30 sáýir aralyǵynda Kaztalovta úsh, Jánibekte eki, Bókeı ordasynda bir kıikten synama alyndy. Qazirgi kezde nátıjesin kútip otyrmyz, - dedi M.Otarálıev.
Onyń aıtýynsha, budan eki jyl buryn sýǵa batyp ólgen 5 myńdaı kıikten de pasterellez aýrýy tabylǵan.
Eske sala keteıik, budan buryn Batys Qazaqstanda kıikterdiń malǵa aýrý taratyp jatqany ras pa, sony jazǵan bolatynbyz.
Sondaı-aq ǵalym aýrý kıikten maldy aman saqtap qalýdyń amalyn jasaý kerektigin aıtty.
