Batys Qazaqstanda kıik aýlaýmen 20 brıgada aınalysyp jatyr

ORAL. KAZINFORM — Batys Qazaqstan oblysynda kıik aýlaý jumystarymen 20 brıgada aınalysyp jatyr.

BQO orman sharýashylyǵy jáne janýarlar dúnıesin qorǵaý aýmaqtyq ınspektsııasynyń basshysy Nurlan Rahymjanovtyń málim etkenindeı, bıyl Úkimettiń qaýlysy men komıtettiń buıryǵyna sáıkes kıik sanyn retteý isi 10 qańtardan bastalyp, 29 aqpanǵa deıin júrgiziledi.

Nurlan Saǵyntaıulynyń sózine qaraǵanda, qysta korall ádisi qoldanylmaıdy.

Óıtkeni jer qatyp qalǵan, qazylmaıdy, kıikti mototsıklmen aıdap, qamaý múmkin emes. Sondyqtan tek atý ádisimen retteledi.

«Oblys boıynsha barlyǵy 20 brıgada jumystanyp jatyr. Degenmen bul onyń bári bir mezgilde shyǵady degen sóz emes. Keıbiriniń kólikteri bolmaıdy nemese oq-dári taýsylyp qalady. Kúni búginge deıin 2874 kıik atyldy. Ótken jyldan bastap 226 myń bas kıik aýlanýy kerek edi. Alaıda 2023 jyly — 20 myń bas, bıyl 2800-deı bas kıik aýlanyp, biz áli 10 paıyzyna jetken joqpyz», — dedi N.Rahymjanov.

Eske sala keteıik, budan buryn Batys Qazaqstanda 4800-den astam kıik aýlanyp, atylǵanyn jazǵan bolatynbyz.