Batys Qazaqstanda kıik sany 2,7 mln basqa jetti
ORAL. KAZINFORM – Batys Qazaqstan oblysynda kıik sanaǵynyń qorytyndysy shyqty.
BQO orman sharýashylyǵy jáne janýarlar dúnıesi aýmaqtyq ınspektsııasynyń basshysy Nurlan Rahymjanovtyń málim etkenindeı, kóktemde júrgizilgen áýe sanaǵy boıynsha kıik sany 2,7 mln bas boldy.
Onyń sózine qaraǵanda, sanaq aqbóken tóldegenge deıin júrgizilgen.
Ótken jyly Batys Qazaqstanda 2,3 mln bas kıik sanaqqa ilikken bolatyn.
- Óńirde 2023 jáne 2025 jyly kıik sanyn retteý jumystary júrgizildi. Ótken jyly oblysta 108 458 bas kıik aýlandy. Sonymen qatar bıyl jyl basynan beri 18 351 bas kıik óleksesi joıyldy. Bul jumys jalǵasýda, - dedi N.Rahymjanov.
Eske sala keteıik, budan buryn Batys Qazaqstanda 3 300-ge jýyq kıik óleksesi joıylǵanyn jazǵan edik.
Sondaı-aq BQO-da aýrýdan maly shyǵynǵa ushyraǵan sharýalar ótemaqy ala ma, bul da habarlandy.
